Charter Document - 02290150
| Charter Number: | 02290150 |
|---|---|
| Cartulary Title: | Chartularium prioratys beatae mariae de Paredo monachorum [Paray-le-Monial] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | Undefined |
| Date type: | |
| Resource Link(s): |
|
Charter:
Quidam miles nomine Wilelmus de Luurci post innumera dampna huic loco illata gravi incommodo constrictus a viris quibusdam nobilibus nimium monitus tandem resipiscens fideliter coram omnibus se obtulit Deo abiciens mundum ex toto uxorem et utramque prolem asportatusque in hoc loco filiis uxore parentibus et amicis presentibus dedit Deo in hoc loco ea que in ecclesia Luurciaco vocata possidebat id est medietatem ecclesie omnium oblacionum introitum presbiteri ex toto presbiterium medietatem omnium decimarum et cimiterii omnia ut diximus sicut ipse habebat ea ratione ut uxorem ejus post finem sepeliant Addidit etiam ad augendam elemosinam loci loco qui dicitur Verreris situm molini quem mulnarem vocant ad construendum molendinum Hoc datum laudaverunt uxor ejus Ingelberga Jodzerannus et Painus filii ejus sororesque eorum et viri earum Iterius et Hugo Bertrannus Hugo de la Sulvusi Rotbertus de Luurci Artaldus Malereti Aimo Jhavazola Hugo de Scabellis Girbertus capellanus Pax et gratia servantibus pena direptoribus