Charter Document - 02290148
| Charter Number: | 02290148 |
|---|---|
| Cartulary Title: | Chartularium prioratys beatae mariae de Paredo monachorum [Paray-le-Monial] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | Undefined |
| Date type: | |
| Resource Link(s): |
|
Charter:
Quidam nobilis miles nomine Petrus Clericus Arvernice territorie vicem comitis gerens dedit Deo et fratribus in hoc loco degentibus apud ecclesiam Sancte Marie de Monte Combroso in circuitu ejusdem ecclesie et parrochie ipsius quantum in ministerio Bernardi vicarii sui videbatur cum fidelibus suis possidere terras scilicet suo usui retentas et in beneficio fidelibus suis distributas id est villam Exartellem vulgo vocatam et quecumque sibi videntur aspicere et III mansos juxta eandem villam sitos super Rodonem fluvium villamque Brugulinas vocatam cum suis appenditiis et in alio loco villam Podium nominatam cum sibi pertinentibus rebus et in alio loco villam Ruam Merdosam cum suis appendiciis et terram de Calfurno et in alio loco terram que vocatur Mansus et prope eum alius mansus ad Fraxinum et in alio loco quendam mansum vocatum Cassan Berfredi hec omnia supradicta ad locum prenominatum perpetualiter concessit possidenda totum et ad integrum perquirendum tam in villis et villulis quam in mansis et appenditiis et bordelariis in franchisiis farinariis in agris in vineis in silvis in rispis in terris cultis et incultis in pascuis in aquis aquarumque decursibus in exitibus et regressibus et in pratis Et in pago Augustodunensi in parrochia Sancti Desiderii in ministerio Stephani vicarii [] cum appendiciis suis et silvam indominicatam quam ibidem tenebat villam Cancellas cum appenditiis suis villam Balgeiacum cum appenditiis suis villam Vauram cum appenditiis suis villam a la Culturam cum appenditiis suis villam a la Finem cum appenditiis suis villam Positellem cum appenditiis suis villam Mont cum appenditiis suis villam Camp Aldoeni cum appenditiis suis villam Moncels cum appenditiis suis hec omnia supradicta queque videbatur proprio jure possidere et fidelibus suis in beneficio a se et ab antecessoribus suis data esse dedit Deo et supradicto loco tam in villis et villulis quam in mansis et appendiciis et arboribus et silvis suprapositis in franchisiis in bordelariis in campis in vineis in silvis rispis in concisiis in terris cultis et incultis in pratis in pascuis in molendinis in aquis aquarumve decursibus in exitibus et regressibus quesita et ad inquirenda Tali tenore quatinus post obitum scilicet suum rectores jam dicti jure hereditario cuncta teneant habeant et absque ulla contradictione perpetualiter possideant et quicquid ex eisdem villis et terris facere voluerint faciant S domni Petri Clerici