Charter Document - 02290145

Ex consilio domni Odilonis abbatis et Hugonis comitis fratres hujus loci Andraldus prior cum aliis adierunt presulem Nevernensem vocatum domnum Hugonem in canonicorum ejus presentia expetierunt clementiam eorum ut quandam terram almi martiris Christi Cyrici que juxta fluvium Ligeris sita est et vocatur ipsa terra Viventz Deo et hujus loci fratribus per precariam concederent Quorum petitionem prefatus presul per consilium clericorum suorum suscipiens predictam terram cum omnibus rebus que ad eam aspiciunt vel aspicere videntur omnibus in locis id est agris silvis pratis pascuis aquis aquarumve decursibus exitibus et regressibus totum ad integrum usque ad inquirendum necnon et mancipiis utriusque sexus ea ratione concessit ut annis singulis rectores jam dicti loci qui Aurea Vallis vocatur in festivitate beati Martini solidos duos ad victualia fratrum in censum persolvant et si de ipso negligentes in aliquo extiterint in duplo restituant Simili modo in aliis locis concessit id est in villa Neusiaco et in Moncello seu Senviniaco et in Villeretum et in circuitu Sancti Johannis et in Mulneto et in campo Aalbaldi et in monte Benedicti et ad Sanctum Dionisium et in Temponiaco et in Digonptiaco quantum in eisdem villis vel locis beatus martir Ciricus videtur habere id est terris silvis pratis pascuis vineis aquis aquarumve decursibus exitibus et regressibus atque mancipiis utriusque sexus totum ad integrum usque ad inquirendum eo tenore ut omni anno rectores ejusdem cenobii solidos III persolvant Ut enim hec precaria omni tempore majorem firmitatis vigorem obtineat predicti episcopi manu et ejus clericorum assignationibus roborata est Hugo nutu Dei humilis episcopus roboravit et signavit Wido archidiaconus signavit S Bertelonis abbatis S Evrardi prepositi S Raiembaldi decani S Umberti abbatis S Gozfridi archiclavi S Tetbaldi Odonis Ragenaldi Rodulfi Gozfridi Girberti presbiterorum S Bertelonis Rodulfi Umberti levitarum S Rocleni subdiaconi S Heliranni Bernardi puerorum