Charter Document - 02290088
| Charter Number: | 02290088 |
|---|---|
| Cartulary Title: | Chartularium prioratys beatae mariae de Paredo monachorum [Paray-le-Monial] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1055 - 1099 |
| Date type: | Assigned |
| Resource Link(s): |
|
Charter:
In precedenti narratione hujus operis memoriam fecimus inter alia ex ecclesia Possions qualiter domnus Atto de Buxol respuens mundum et suo collo leve Christi imponens jugum suam partem altaris et presbiteratus ex ecclesia Poissons secum huic obtulit loco cum suorum fratrum matrisque arbitrio Nunc placet inseri huic iterum operi quod domnus Artaldus ejus patruus pro Dei amore sueque ac conjugis filiorumque et omnium antecessorum salute animarum et venia peccatorum obtulit Deo et jam dicto loco ipsiusque loci fratribus et ipse ut nepos suus partem suam altaris et presbiteratus et iterum illud quod soror ejus sanctimonialis Eduensis domna Agnes in ipsa ecclesia habet post ejus vite finem II solidos et dimidium sue partis Hoc donum gratifice cum suo viro obtulit uxor ejus Jartrudis filiique Hugo et Artaldus ammonente et preeunte loci priore domno Hugone cum sociis fratribus Antelmo et Ermenaldo Auctor horum et testis veridicus domnus Durannus Merolus sacerdos Eduensisque canonicus et Stephanus presbiter Dio Letbaldus Digonia Bernardus juvenis de la Porta Hugo Jhaloet et Stephanus Parriciacus