Charter Document - 02290060
| Charter Number: | 02290060 |
|---|---|
| Cartulary Title: | Chartularium prioratys beatae mariae de Paredo monachorum [Paray-le-Monial] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1055 - 1099 |
| Date type: | Assigned |
| Resource Link(s): |
|
Charter:
Quidam miles nomine Dalmatius et uxor ejus nomine Ada obtulerunt Deo in hoc loco quendam filium suum nomine Antelmum et cum eo in parochia que dicitur Novas Casas et in villa Jhavagniset tenementum Duranni de Moncel consobrini Bernardi qui ambo detinebant unum mansum singuli per medietatem medietatem ergo totam sue partis quam dictus tenebat Durannus cum omni sua integritate videlicet terris cultis et incultis silvis vineis pratis pascuis aquis aquarumque decursibus totum ad inquirendum dedit Et dederunt fide jussores Hugoni priori Jodcerannum et Hugonem fratres ut taschiam hujus terre et illam de manso Johannis quam detinebant illi de Valestinas predicto loco facerent habere iterum dederunt illam terram quam vocant ad Longum Peretum in parochia de Granval totam ad integrum Dedit in villa Baron medietatem servorum quos calumpniabat loco Armarum fratresque ejus et sorores Testes hujus rei fuerunt Giraldus de Buxol Hugo et Jocerannus fratres Hugo Parriniaco Deodatus prepositus