Charter Document - 02290017
| Charter Number: | 02290017 |
|---|---|
| Cartulary Title: | Chartularium prioratys beatae mariae de Paredo monachorum [Paray-le-Monial] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1050 |
| Date type: | Assigned |
| Resource Link(s): |
|
Charter:
Noticia de ecclesia Ragiacensi Erat quidam miles nomine Petrus pronomen habens de Cachiaco qui ab inimicis suis quadam die crudeliter est gladio interfectus pro cujus anime salute uxor ejus Adelais nomine filiusque ejus Willelmus parentesque et amici obtulerunt Deo in jam dicto loco omnia que prefatus Petrus in ecclesia Raginiaco vocata possidebat in cimiterio et ecclesia vel presbiteratu extra domo sua et alia domo quam grangiam vocant in cimiterio et exceptis his que milites quidam in beneficio retinebant ab eo Fuitque talis racio ut si in cetero fratres loci ab his beneficiariis conquirere aliquid potuerint ex his []at et superiora habeatur Necne [] ipsius ecclesie cimiterio de omnibus [] ilatis nemo alius rectum exigat nisi prior a [] ipse jusserit Pro hac vero helemosine racione sponderunt fratres unum ex filiis ipsius Petri monachum facere et cotidie unum pauperem pascere unique filiarum ejus ad sanctimonialem abitum intranti CL solidos prebere et in anniversaria die ejus obitus in missis aliisque divinis officiis memoriam ejus recolere ipsaque die prior vel procurator prebeant optimam refectionem in piscibus aliisque rebus Auctores et testes fuerunt hujus doni hii Adelais uxor ipsius Petri Willelmus filius ejus itemque filie ejus Bertrannus et Hugo fratres ejusdem Petri Artaldus de Buxol Jotcerannus de Vilers Willelmus Jotcerannus de Copetra