Charter Document - 02290015
| Charter Number: | 02290015 |
|---|---|
| Cartulary Title: | Chartularium prioratys beatae mariae de Paredo monachorum [Paray-le-Monial] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1025 |
| Date type: | Assigned |
| Resource Link(s): |
|
Charter:
Nunc properandum est ad ecclesiarum proventionem sive conquisitionem quibus temporibus locis presulibusve coempte sunt In pago Claromontensi Bertrannus vicecomes Arvernensis pro suis peccatis expiandis obtulit Deo et huic loco quandam ecclesiam Dei genitricis Marie Virginis in Monte Combroso dictam cum omni sua integritate et consuetudinibus terrisque omnibus sibi pertinentibus Domnus Walterius quondam Eduensis episcopus ex assensu suorum canonicorum fecit privilegium hujus loci fratribus ex quibusdam eorum ecclesiis videlicet Tolonensi Marliacensi Baronensi et ex ea que dicitur ad Capellam Sancte Marie et ex omni earum integritate ut reddito sinodali censu reliqua possideantur a fratribus in pace Amen Item domnus Hermuinus episcopus successor ejus simili modo fecit ex consensu et laude suorum canonicorum ex quadam ecclesia ad Digontio dicta quam domnus Hugo comes et episcopus huic loco jam concesserat cum terris et decimis et omnibus appenditiis Testes fuerunt Teudbaldus nepos ejusdem domni Hugonis comitis Dalmatius de Sinemuro Roclenus Ansedeus Borbon Ansedeus