Charter Document - 02280052
| Charter Number: | 02280052 |
|---|---|
| Cartulary Title: | Les Chartes de Saint-Etienne de Nevers |
| Charter Language: | French |
| Charter Origin: | Religious |
| Charter Type(s): | Agreement |
| Date: | 1472 |
| Date type: | Assigned |
| Resource Link(s): |
|
Charter:
A tous ceux Jehan Baudereul pardevant Barillier personnellement estably noble damoiselle Jehanne de Merlo dame d'Anlezy et de Saint Parizele Chastel laquelle sciemment de son bon gré pure et franche volonté publicquement et en droict a transigé pacifié et accordé à religieuse et honneste personne Fr Guillaume Gymon prieur de Saint Estienne de Nevers à cause du lict ou trespassa feu noble homme Esme son fils et de feu et noble homme Jehan de Damas lequel lict ledit fr Guillaume Gymon prieur dessusdict disoit à luy competer et appartenir pour ce que ledict feu Esme de Damas estoit noble et estoit allé de vie à trespas au bourg Saint Estienne de Nevers à la somme de deux escu d'or lesquels pour ladite cause ladite damoiselle a payé comptant audit prieur en la presence dudit juré desquelles choses dessusdites ledict fr Guillaume Gymon a requis audit juré lettres d'instrument Donné à Nevers le xxviii jour d'aoust l'an MCDLXXII presens honnorables hommes Guillaume Pastureaulx clerc Arduin du Crozay cousturier demourans audict Nevers tesmoings à ce requis et appellez