Charter Document - 02280049
| Charter Number: | 02280049 |
|---|---|
| Cartulary Title: | Les Chartes de Saint-Etienne de Nevers |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1446 |
| Date type: | Assigned |
| Resource Link(s): |
|
Charter:
Ego N tactis sacrosanctis evangeliis promitto et juro ecclesiam S Stephani ejus septa seu ambitum non intrare quovis modo nisi a priore invitatus Item promitto et juro libertatem ecclesie predicte ordinis Cluniacensis privilegia et burgi franchisiam tenere et inviolabiliter conservare prouti hactenus solitum est per predecessores nostros fieri Item promitto et juro remittere diem citatorum in curia seu auditorio nostro franchisiam burgi tenentium dum debite certifficati fuerimus Item promitto et juro consuetudines observantias usus possessiones laudabiles legitime prescriptas et approbatas ecclesie prefate et burgi conservare et manum tenere Item omnia et singula sub pena eterne maledictionis et privationis preciosissimi corporis et sanguinis Domini Nostri Jesu Christi ac illius damnationis quam Dathan et Abiron sustinerunt quos terra vivos absorbuit ultione divina