Charter Document - 02280047
| Charter Number: | 02280047 |
|---|---|
| Cartulary Title: | Les Chartes de Saint-Etienne de Nevers |
| Charter Language: | French |
| Charter Origin: | Lay |
| Charter Type(s): | Judgement |
| Date: | 1416 |
| Date type: | Assigned |
| Resource Link(s): |
|
Charter:
A tous ceux Jehan de Beaune garde du scel Haulte et puissante princesse madame Bonne comtesse de Nevers ayant le gouvernement de Charle et Jehan messieurs ses enffans entra en la ville de Nevers parmy la porte de la Barre et illec devant la barriere de ladite porte a la requeste de honnorables hommes et saiges maistres Pierre Berthier Jehan de Trois Philippe de Luppy et Pierre Cuissard quatres eschevins de ladicte ville en ceste année presente jura la main mise sur les stes parolles de Dieu tenir et garder les privileges octroyés es bourgeois et habitans de ceste ville de Nevers par ces predecesseurs comtes et comtesses Item semblablement jura religieuse et honneste personne Jehan Chaseaulx prieur du prieuré du bourg Saint Estienne de Nevers de tenir et garder la franchise dudict bourg Desquelles choses dessusdites ledit frere Jehan Chaseaulx prieur dessus requist desdicts jurés a luy en estre faict lettre de tesmoignage Présens honnorables hommes et discrettes personnes maistre Jehan Leclerc Gregoire de La Forest licenciez ez loix conseilliers de maditte dame Regnault de Marigny Joffrenin Auzeaulx et plusieurs autres