Charter Document - 02280012

In nomine sancte et individue trinitatis ego Vuido comes Nivernensis omnibus fidelibus presentibus et futuris in perpetuum Certum est quod proavus meus Willelmus comes Niv ecclesiam beati Stephani prothomartyris in suburbio Nivernis sitam summa diligentia reedificavit et reedificatam ordini monastico et ecclesie Cluniacensi obtulit Dedit etiam burgum quod juxta ecclesiam situm est ab omni exactione et consuetudine liberum ita quod homines burgi nec comiti nec alicui sibi succedentium servirent nisi tantum monachis Dedit etiam eis liberum ingressum et egressum et facultatem vendendi et emendi per totam terram suam sine impedimento Sed quia frater meus Willelmus qui ultra mare obiit et requiescit in Bethleem in burgensibus contra prefatam libertatem novas exactiones et impositiones facere cepit reclamantibus et egre ferentibus monachis hoc pacto dimisit videlicet quod pro tribus causis tantummodo si captus se redimeret si filiam suam nuptiis traderet si Hyerosolimam pergeret tria millia solidorum per manum prioris a burgensibus haberet quod ego amore Dei et venerabilis Stephani confirmo Rem istam sicut definita et determinata est in presenti juravi ego tenere Juravit et Raynaldus frater meus et uxor mea laudavit Fuit etiam in juramento meo quod si contigerit me habere heredem masculum qui usque ad annos discretionis perveniat cum submonitus fuero a priore vel a monachis faciam eum similiter jurare quod in carta continetur Huic autem carte testimonium perhibent sigilla apposita et nomina eorum qui huic pactioni et confirmationi mee adfuerunt que hic adscribi volui Bernardus episcopus Niv Tibaldus decanus Et de militibus meis Abbo vicecomes Guarnerius de Triagnel senescallus Ebraldus de Charentum Rainaldus de Marchia Guillelmus de Uselo Guido de Nivernis Iterius qui tunc erat prepositus Nivernensis Et de monachis domnus Stephanus abbas Cluniacensis Bernardus prior S Stephani Humbertus sacrista Cluniacensis Rotgerius capellanus abbatis Cluniacensis Radulphus de Arcevalla Stephanus prior de Luperciaco Hugo prior de S Salvatore Johannes prior de S Reveriano Martinus subprior S Stephani Constancius sacrista Guillelmus cellarius Richardus Et de burgensibus Girardus prepositus Arnulphus de Germiniaco Roclenus de Montepodio Humbertus frater ejus Arnulphus de Borbono Petrus de Germigniaco Hugo de Velcia Amicus Baldus Stephanus mariscaldus et alii multi Factum est hoc publice apud S Stephanum Niv anno ab incarnatione Domini M centesimo septuagesimo primo regnante Ludovico Francorum rege