Charter Document - 02280009
| Charter Number: | 02280009 |
|---|---|
| Cartulary Title: | Les Chartes de Saint-Etienne de Nevers |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1164 |
| Date type: | Internal, A.D. |
| Resource Link(s): |
|
Charter:
Notum sit omnibus tam presentibus quam futuris S Matris ecclesie filiis quod Willelmus comes Nivernis filius Willelmi comitis qui obiit Autissiodori et requiescit in ecclesia beati Germani questam illam quam faciebat in burgo S Stephani Deo et beato Stephano et Bernardo priori ejusdem loci et monachis ibidem Deo in perpetuum servituris omnino dimisit et sine vi aut reclamatione in eternum guerpivit nisi esset pro filia sua maritanda vel pro via hyerosolimitana vel pro captione corporis sui de qua se redimeret et tunc quereret prior usque ad tria millia solidorum monete que tunc erit et prior hos tres mille solidos de burgensibus levabit et burgenses inde haberent respectum usque ad quadraginta dies nec propter hoc vel propter aliud comes defenderet illis aisencias suas nec eis res suas auferret quamdiu justitiam exequi voluerint per manum prioris sui qui tunc prior erit Rem istam sicut determinata est et deffinita juravit comes Willelmus tenere et dixit quod hoc faciet jurare domino Guidoni fratri suo cum ad etatem venerit Hoc laudavit dominus Wido frater ejus Hoc viderunt et audierunt Humbertus archidiaconus Nivernis magister Stephanus cantor Autissiodorensis Gaufridus clericus qui hanc cartam dictavit Hugo armarius Constancius monachus Joannes monachus Robertus capellanus S Petri Stephanus de Petra pertusia Bochardus de Selliniaco frater ejus Vuido de Nivernis Bonetus de Magniaco prepositus Nivernensis et Arnulfus filius ejus Odo de Monte Ruillo dapifer de Nivernis Bernardus Gislandus Raynaldus frater ejus Petrus de Corbiniaco Hugo Henricus Girardus propositus S Stephani Arnulphus de Germiniaco et Arnulfus filius ejus Roclenus de Montepodio Amicus frater ejus Bernardus de Vaulcy Arnufus de Borbone Gaufridus de Fonte Joannes Flandrensis Vuido Albinus frater ejus Actum est hoc publice Nivernis in aula comitis anno ab incarnatione Domini M centesimo sexagesimo quarto regnante Ludovico Francorum rege Bernardo Nivernensi episcopo Ebraldus precentor cancellarius comitis jussit fieri hanc cartam