Charter Document - 02270122
| Charter Number: | 02270122 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1263 |
| Date type: | Internal, Calendar, Papal |
| Resource Link(s): |
|
Charter:
Urbanus episcopus servus servorum Dei dilectis filiis abbati et conventui ecclesie S Laurentii de Abbatia ordinis S Augustini Autissiodorensis dioecesis salutem et apostolicam benedictionem Lata coram nobis devotionis vestre petitio continebat quod cum vos de antiqua approbata et hactenus pacifice observata consuetudine reditus et proventus unius anni prebendarum vacantium in ecclesia Nivernense ratione prioratus vestri sancti Gildardi extra muros Nivernenses ordinis S Augustini percipere deberetis bone memorie Gervasius episcopus Nivernensis de assensu vestro et capituli sui ordinavit et statuit quod vos reditus et proventus hujusmodi dimittentes loco illorum de proventibus ipsius ecclesie ad valorem fructuum duarum prebendarum integre perpetuo nomine ipsius prioratus in ecclesia obtinentes eadem prout in litteris jure confectis et dictorum episcopi et capituli sigillis munitis plenius dicitur contineri Nos igitur vestris supplicationibus inclinati quod per episcopum ipsum in hac parte provide factum est ratum habentes id auctoritate apostolica confirmamus et presentis scripti patrocinio communivimus Nulli ergo hominum liceat hanc paginam nostre confirmationis infringere vel ei ausu temerario contra ire Si quis autem hoc attentare presumpserit indignationem omnipotentis Dei et beatorum ejus apostolorum Petri et Pauli imposterum se noverit incursurum Datum apud Urbem veterem V Kalendas junii pontificatus nostri anno II