Charter Document - 02270103
| Charter Number: | 02270103 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Protection |
| Date: | 1229 |
| Date type: | Internal, A.D. |
| Resource Link(s): |
|
Charter:
Ego Guido Nivernensis comes et Ego Mathildis comitissa uxor ejusdem comitis omnibus notum facimus quod nos volumus concessimus et concedimus dilectis in Christo Reymundo decano et capitulo Nivernensi quod Petrus Borduinus Hugo frater ejus et Robelina soror ipsorum necnon et heredes eorumdem homines videlicet decani et capituli jam dictorum Nivernis quiete permaneant sub protectione nostra justiciabiles perpetuo decani et capituli premissorum Creantavimus insuper eisdem decano et capitulo quod predictos homines et res eorum ubique pro posse nostro salvabimus bona fide firmiterque promittentes quod in corpora eorum vel uxorum suarum vel heredum suorum aut in res etiam eorumdem manum non mittemus nec aliquo servientium ballivorum seu propositorum nostrorum mitti permittemus salva tamen nobis et heredibus nostris tali justicia quam habemus Nivernis in hominibus episcopi et capituli Nivernensis Nolumus tamen quod ista permissio nobis in posterum vel heredibus nostris generet in aliis hominibus quibuscumque prejudicium aliquod vel gravamen cum nemo possit habere Nivernis liberum hominem preter nos et burgum Sancti Stephani Nivernensem Datum Nivernis et sigillatum anno gratie MCC vigesimo octavo mense januarii per manum Amici clerici nostri