Charter Document - 02270102
| Charter Number: | 02270102 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Renunciation |
| Date: | 1190 |
| Date type: | Internal, A.D., Feast |
| Resource Link(s): |
|
Charter:
Ego Petrus comes Nivernensis et ego Agnes comitissa uxor ejus notum facimus tam presentibus quam futuris quod nullum gistum neque erberiagium habemus in terra nec in hominibus canonicorum sancti Cyrici Nivernensis videlicet in ballia de Chaloei nec in ballia Taccii neque in ballia Parriniaci neque in ballia Germiniaci neque in ballia Veringiarum neque in ballia Capelle et Gariniaci neque in ballia Valete neque in ballia Salviniaci Et ne aliqua dubitatio vel calumnia seu malignandi occasio inter nos et posteros nostros et prefatos canonicos in futurum valeat exoriri hoc ipsum cognovimus memoratis canonicis in capitulo suo Nivernensi coram domino Johanne episcopo Nivernensi a viris fide dignis et jurare paratis accepimus quod predecessores nostri videlicet Willelmus comes in ecclesia sancti Germani Autissiodorensis sepultus et filius ejus Villelmus qui in Bethleem requiescit publice professi sunt se nullum penitus gestum vel herberiagium in predictis locis sancti Cyrici habuisse Preterea donationem factam pro remedio anime et anniversario domni Guidonis comitis Nivernensis ratam habemus et jam dictis canonicis perpetuo habendam et possidendam concessimus scilicet avenam denarios trossas feni et palee et panes que omnia debentur apud Marigniacum veterem et apud Chamum Capitulum vero Nivernense una cum domino episcopo suo anniversarium comitis Guidonis sollempniter celebrandum et quendam capellanum redditus assignando instituit qui specialiter pro remedio anime ejusdem comitis et predecessorum et successorum ejus divinum celebret officium Ut autem hoc ratum et inconvulsum in posterum habeatur ad majorem firmitatem presentem cartam sigillorum nostrorum impressione fecimus communiri et dominum Johannem Nivernensem episcopum diligenter rogavimus ut sigillum suum eidem carte in testimonium apponeret quod et fecit Hoc autem viderunt et audierunt isti quorum nomina subnotantur ex parte canonicorum Renaudus Abbas sancti Martini Nivernensis magister Raimundus Bituricensis [] Hugo Aurelianensis Arnulfus Nivernensis decani Willelmus Niv archidiaconus Theobaldus Thesaurarius Bernardus cantor Odo sacrista magister Hugo de Guarna Petrus de Castronovo Gaufridus succentor Reginaudus de Dongione Renaudus de Disesia Gaufridus de Monteneson Petrus de Stampis Jobelinus de Marchia Canonici et plures alii ex parte comitis Ex parte nostra dominus Seguinus de Castro canino Seguinus de Anlisiaco et frater ejus Hugo Blondus Gaufridus de Pogua Achardus Sescalli Willelmus de Contris Willelmus filius Guidonis de Nivernis Gaufridus Jocerani Petrus de Corton Gaufridus capellanus noster Ebraudus de Castro novo tunc prepositus Nivernensis et Guido frater ejus et Renaudus Monetarii Gimon Boerii Petrus Ramsons Actum est publice Nivernis in capitulo sancti Cyrici in die sancto Pentecosten anno incarnati verbi MCXC regnante Philippo rege francorum