Charter Document - 02270095

Omnibus in christo viventibus notum fieri volumus tam presentibus quam eorum posteris quod domnus tertius Hugo ecclesie nostre episcopus pro salute anime sue et antecessorum donavit nobis canonicis sancti Cyrici ecclesiam in honore sanctorum confessorum Lupi et Geldardi consecratam laudante Girbaldo milite de Marziaco atque volente et nepotibus suis Malguino scilicet et Girbaldo laudantibus atque volentibus qui de domno Seguino milite eam habere videbantur Sed posmodum idem Seguinus inde nobis calumpniam intulit quam postea precibus domni Willelmi comitis et nostris pulsatus in capitulo sancti Cyrici bono corde et bona voluntate absque ullo retentu dimisit et quod Girbaldus et nepotes ejus fecerant laudavit atque concessit nonas Martii feria VI tali videlicet ratione quatinus in ea juxta dispositionem nostram prout libitum nobis fuerit deinceps et in perpetuum absque ulla calumpnia faciamus Nos vero postmodum existente Widone nostro presule predicti Hugonis successore communi consilio et omnium decreto dedimus eam et concessimus ecclesie sancti Laurentii de abbatia sanctique Hilarii per manum domni Dongionis primi abbatis ejusdem loci quatinus ipse deinceps clericos inibi juxta regularem institutionem Deo servire faciat Decrevimus etiam in generali capitulo et constituimus ut si cui canonicorum nostrorum sive alicui alio dederit Deus ibi manendi voluntatem per licentiam nostram ibi maneat et Deo et ecclesie serviat et prebendam quam apud nos habet integram simili modo habeat et septimanam quam ecclesie nostre debet quilibet de confratribus inibi morantibus tempore suo faciat Prebendam quoque quam in monasterio sancte Marie pro mortuo canonico nostro per XXX dies habemus et in anniversariis diebus canonicorum si nos in refectorio manducaverimus victum mortui qui ad eum diem pertinet predicte ecclesie servitoribus donamus similiter et concedimus Item subsequenti tempore IIII nonas maii feria VI cum domnus Herveus noster episcopus vir per omnia magnificus in generali capitulo nostro resideret et domnus Dongius predictus abbas pariter adesset laudavit atque bona voluntate concessit una cum omnibus nobis canonicis si quis canonicorum nostrorum obiret quatinus predicte ecclesie servitores prebendam mortui canonici usque ad anniversarium depositionis ejus diem ex integro in perpetuum haberent et ipsi pro anima defuncti tempore congruo missam celebrarent Predictus autem Girbaldus cum nepotibus suis atque domnus Seguinus concedunt eidem ecclesie quidquid de beneficiis ad eam pertinentibus servitores ejus quolibet modo acquirere potuerint Hiis autem omnibus ita peractis ne lateret posteros donatio eorum notitiam hanc inde fieri jusserunt factamque firmaverunt et alios firmare fecerunt Hec autem carta scripta est nonis Maii feria VI indictione VIII anno Domini MC secundum Dyonisium regnante Philippo rege Franchorum Raginerius cancellarius dictavit S Hervei presulis S Petri decani S Matthei archidiaconi S Hugonis presbyteri S Rodulfi capellani S Girberti diaconi