Charter Document - 02270089
| Charter Number: | 02270089 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1099 |
| Date type: | Assigned |
| Resource Link(s): |
|
Charter:
In nomine Sancte et individue trinitatis Ego Herveus sola Dei gratia ecclesie Nivernensis episcopus et una beati martyris Cyrici clerus notum fore volumus omnibus in Christi nomine viventibus et posteris et presentibus quod Leotericus filius quondam Bernardi militis de Callencio calumniabatur nobis villam que vocatur Calloveus cum omnibus ad eam pertinentibus Simili modo in altera villa que vocatur Ars videlicet in horreo nostro capiebat consuetudines pravas hospitatem scilicet in anno bis vel ter cum suis militibus Et si quis in eo furtum faceret vel sanguinem alicujus funderet vel aliud commissum perpetraret exigebat satisfactionem Quam predictam calumniam de Calloveo et has pravas consuetudines non potuimus pati diutius sed accepto consilio dedimus sibi de nostro in denariis scilicet libras XV Ipse vero dimisit omnino calumniam quam faciebat in Calloveo deinceps ante presentiam nostram in domo mea XIX kal septembris feria tertia Guillelmo comite ad latus meum sedente et iterum dimisit consuetudines quas capiebat in villa que vocatur Ars in horreo nostro videlicet hospitalitatis et quicquid consuetudinis inibi exigebatur in nostris hominibus omnino dimittit et in iis qui propter nostrum conductum ibi aderunt Et hec omnia dimittit bono corde et bona voluntate laudante atque volente uxore sua Aremburgi et Hugone de Tilio genero suo fnturo filiabusque suis laudantibus atque volentibus aliisque amicis atque parentibus Et quando hec dimissio facta est adfuerunt plures viri nobiles et ignobiles videlicet Seguinus de Nivernis Umbaldus Blancus Odo de Lineriis Odo de Tiangiis Aubaldus Frotmundus de Drueyo Hieremias cognatus Leoterici Rodulfus de Bosco Achardus de Albiniaco Oliverius Acta est Nivernis publice regnante Philippo