Charter Document - 02270078
| Charter Number: | 02270078 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1089 |
| Date type: | Internal, A.D. |
| Resource Link(s): |
|
Charter:
In nomine sancte Trinitatis et individue Trinitatis Patris et filii et spiritus sancti Notum fieri volumus ego tertius Hugo Nivernensis episcopus et cuncta congregatio nostra omnibus sancte matris ecclesie filiis tam presentibus quam eorum posteris quod Petrus prior et monachi de Parriciaco cum quibusdam laicis ante nostram venerunt presentiam in capitulo sancti Cyrici humo tenus postulantes ut ego et canonici nostri quamdam terram in Augustudunensi territorio sitam in villa scilicet que dicitur Poliacus que de beneficio canonicorum esse videtur Deo et sancte genitrici ejus Marie sanctoque Benedicto et fratribus ibidem Deo servientibus ad censum concederemus Quorum precibus adquiescentes terram quam a nobis postulaverunt illis habendam censualiter concessimus tali videlicet ratione ut unoquoque anno in festivitate sancti Cyrici quinque solidos communi canonicorum conventui in censu solvant et non tantum terram eis concessimus sed etiam communem loci nostri fraternitatem tribuimus Ipsi vero similiter loci sui societatem nobis concesserunt adeo ut si aliquem nostrum mori contigerit tantum pro eo facient quantum pro fratre suo facere debent Et si forte quemquam canonicorum nostrorum itineris necessitas Parriciacum conduxerit tam honorifice ab eis suscipiatur atque hospitatur ac si unus ex fratribus ipsius loci haberetur Nos autem vicissim eamdem hospitalitatis humanitatem eis si ad nos venerint impertiri promisimus ita dumtaxat dum in refectorio communiter vixerimus Acta est Nivernis publice anno domini MLXXXVIIII Fulderius levita dictavit et scripsit vice Rainerii cancellarii V idus Januarii feria IIII regnante Philippo rege Francorum S Hugonis presulis S Rainerii precentoris S Raginardi abbatis S Landrici sacerdotis S Rotberti sacerdotis S Hugonis et Odonis in diebus illis prepositi S Bernardi cellarii S totius conventus S Seguini militis