Charter Document - 02270076

Ego tertius Hugo Dei gratia sancte Nivernensis ecclesie presul In nomine Dei summi et eterni omnibus sancte matris ecclesie filiis tam futuris quam presentibus notum facere volumus quod matrona quedam orta nobili prosapia nomine Emma divino afflata spiritu pro salute anime sue et parcntum suorum et pro remedio anime Hermanni mariti suit tribuit Deo et sancto Cyrico atque canonicis in ecclesia ejusdem martyris servientibus ad stipendium eorum ecclesiam quamdam in villa Tronzungia in honore sancte Dei genitricis Marie consecratam cum tota villa et appendiciis suis videlicet pratis silvis vineis terra arabili et agricultoribus suis Sed postmodum propter quorumdam hominum pravitatem fraudulenter seu violenter sublata injuste a victu canonicorum decidit contra jus in manibus laicorum quorum unus tempore multo post nomine Girbertus officio miles timens anime sue periculum incurrere venit ante presentiam domni magnifici presulis anticessoris nostri et patrui et eo adstante et laudante laudantibus etiam Goffrido nostre ecclesie decano et civitatis vicecomite et Gosberto milite quorum beneficio ipse habere videbatur cum uxore sua et filiis eorum aliisque coheredibus volentibus atque laudantibus Idem inquam Girbertus reddidit Dei et sancto Cyrico predictam ecclesiam cum appendiciis quibusdam infra nominandis eo tamen tenore ut Radulfus ejusdem loci quidam clericus in vita sua ecclesiam et appenditia haberet et possideret post mortem vero ejus ad canonicos totum rediret Terram quoque arabilem ad opus sex boum omni tempore adjunctis vineis cum terra arabili villanos autem in eadem terra commorantes ita ut ab omni laicorum servitio reddidit absolutos ut neque sibi nec alicui parentum suorum ulterius servirent sed totum servitium quod sibi faciebant Radulfo et canonicis post eum deinceps persolverent Quibus villanis concessit etiam usuarium in silvis suis viis et semitis aquarumque decursibus et quicumque in eadem terra agnos habuerit ubicumque in parrochia fuerit totam eorum decimam Radulfo restituat De aliis vero in altera parrochie terra manentibus medietatem Rodulfus habeat Dedit insuper sibi unam in Ligeri armatam et in suis gurgitibus piscaturam Immo concessit ei omnem in supradicta terra ex toto redditionem et consuetudinem Hec autem omnia superius nominata concessit Girbertus Deo sanctoque martyri Cyrico necnon in vita sua Radulfo et post mortem ejus ad victum canonicorum absque retentione ullius consuetudinis Igitur Rodulfus hec omnia vivente Girberto tenuit sine contradictione et habuit Ad mortem vero idem Girbertus iterum concessit donationem quam Rodulfo fecerat et firmavit ut post mortem Rodulfi ad victum canonicorum rediret Et ob hoc canonici nostri eum honorifice sepelierunt et omnia ad sepulturam ejus necessaria subministraverunt Post non multum vero temporis Rodulfus partim nostra ammonitione frequenter pulsatus partim divine dilectionis fervore succensus consilium sue mentis mutando in melius convertit Ad ultimum enim et se et totum beneficium superius nominatum Deo et sancto martyri Cyrico nostrisque canonicis contulit in vita sua et reddidit Quo facto ut ista redditio firmior fieret et stabilior in perpetuum permaneret eum canonici libenter suscipientes in numero fratrum ascripserunt et filiis Girberti videlicet Hugoni et Viviano eorumque matri necnon Hugoni vicecomiti Gosberto quoque militi ceterisque tam dominis quam coheredibus propter stabilitatem donationis usque ad sexcentos solidos numerate pecunie tribuerunt Sed non post multum temporis inter canonicos et Hugonem filium Girberti propter oleam unam que adjacet ecclesie orta est contentio Tandem idem Hugo ab ipsa contentione et baptistorio necnon et cimiterio absque retentione alicujus consuetudinis canonicis nostris concessit oleam etiam unde contentio erat penitus dereliquit Usuarium quoque in silvis suis hominibus canonicorum concessit idem quod et suis et si quandoque suis abstulerit usuarium ob hoc canonicorum homines non perdant Itidem concessit eis ramatam unam in loco convenienti inter suas et in suis gurgitibus piscaturam ante festivitatem sancti Cyrici ut vigilia ejusdem martyris canonici habeant inde refectionem Appenditia autem hec sunt que reddidit videlicet totum cimiterium ad hospitandum quoscumque Radulfus vel canonici voluerint medietatem totius decime ad ecclesiam pertinentis totamque sepulturam cum integra altaris et baptisterii oblatione Terram quoque arabilem ad opus sex boum omni tempore et campi partem et decimam ejusdem terre totam sive canonici colant eam sive alii donavit similiter atque concessit Et in cimiterio sive extra in terra scilicet canonicorum quicumque mansionem habere voluerit nullam Hugo vel aliquis suorum in eo consuetudinem habeat scilicet et decimas et aliam debitam servitutem absque omni inquietudine canonicis persolvat in altera vero terra parrochie medietatem decime agnorum seu aliorum rerum canonici habeant