Charter Document - 02270067
| Charter Number: | 02270067 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0900 - 1000 |
| Date type: | Assigned |
| Resource Link(s): |
|
Charter:
Notum sit omnibus sancte matris ecclesie filiis tam presentibus quam futuris quod ego Seguinus miles filius Umberti militis reddo Deo et S Cirico Sancteque Marie de Trozungiis terrulam quamdam ab antecessoribus meis sibi ablatam pro remedio anime mee et parentum meorum et eorum qui eam abstulerunt que sita in predicta villa habet terminationes hujusmodi in duabus videlicet partibus via est publica in tertia cimiterium in quarta terra S Cirici Calumpniam insuper quam in terra sive in sylva de Brulato videbar habere dimitto et terram illam cum silva Deo et S Cirico pro remedio anime mee et anime patris mei parentumque meorum bona voluntate concedo Quam terram cum silva quamvis pater meus laudantibus filiis suis me videlicet et Seguino et fratre meo Bernulfo S Cirico dederat ipse tamen postea eam sibi abstulerat