Charter Document - 02270064
| Charter Number: | 02270064 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1046 |
| Date type: | Internal, Regnal |
| Resource Link(s): |
|
Charter:
In nomine sancte et individue trinitatis Ego Icterius S Cirici miles dono Sancto Cirico et suis canonicis quandam meam ancillam nomine Annam cum omnibus suis filiis vel filiabus quos in presenti habet et in futuro habuerit pro loco sepulture et remedio anime mee vel parentum meorum absque ulla contradictione cunctorum hominum seu parentum meorum Si quis vero ex meis heredibus hanc calumpniam temptaverit auri libras decem componat et hec deinceps cartula firma et stabilis permaneat Actum est civitate Nivernis regnante Henrico rege anno XV S Hugonis presulis S Guillelmi comitis S Ragenaldi militis S Bernardi militis S Rocleni clerici Goffredus de Saxiaco et fratres ejus faciebant querelam in Maurino et filiis ejus sed ut compesceretur querela illorum injusta dederunt canonici S Cirici eis tres libras denariorum et plus tali tenore ut deinceps neque ipsi nec aliquis de eorum parentela hanc querelam meis haberet