Charter Document - 02270063
| Charter Number: | 02270063 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0995 |
| Date type: | Internal, Regnal |
| Resource Link(s): |
|
Charter:
Si quispiam peccator amore superne patrie Domno nostro Jhesu Christo vel sanctis illius munus aliquod dederit coronam vel premium celestis regni in die novissimo est accepturus ubi determinato bonorum vel malorum et inditio erit redditurus dominus noster unicuique juxta sua opera Idcirco Ego Rodulfus clericus licet indignus memor meorum scelerum pro redimendis seu abluendis peccatis meis vel parentum meorum silicet pro remedio Ingelonis sacerdotis vel Goffridi sacerdotis ut illis misereatur supernus judex dono bona voluntate beato Troesio et sanctis consodalibus suis quandam vineam que est in pago Nevernensi et in villa que nuncupatur Alnasia integram sicut michi evenit de Ingelone avunculo meo et de Goffrido consobrino meo ut pro me et peccatis meis et pro ipsis quos supra memoravi Domnum nostrum J C deposcant in evum Ea vero ratione ut quandiu vixero teneant et possideant et post meum obitum due partes ex ipsa vinea sicut dixi S Troesio remaneant Tertia vero pars Vyoni consobrino meo in vita sua remaneat et in censu singulis annis festivitate S Trohesii denarios IIII persolvat et post suum obitum memorato Trohesio remaneat Hanc vero vineam ad sacrificium peragendum presbiteris qui in servitio S Trohesii extiterint assidue dono ut melius omni tempore ibi serviant et orationes et preces pro anima mea domno Deo infundant Si quis vero ex meis parentibus vel aliqua persona falso opposita hanc donationem calumniare vel destruere voluerit non vincat quod conaverit sed partem et hereditatem capiat cum illis quibus dicturus est domino discedite a me maledicti in ignem eternum qui paratus est diabolo et angelis ejus cum Datan et Abiron penas inferni sustineat et anathematizatus seu excommunicatus permaneat Actum est civitate Nevernis publice S Rodulfi clerici qui fieri vel firmare rogavit S Ranaldi militis fratris sui S Hugonis militis S Huberti militis S item Huberti abbatis S Icterii militis S item Ragenaldi militis Tetbertus presbyter scripsit vice Rodulfi cancellarii et data in mense aprili anno VIII regnante Hugone rege