Charter Document - 02270056
| Charter Number: | 02270056 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0998 |
| Date type: | Internal, Regnal |
| Resource Link(s): |
|
Charter:
Roclenus gratia domini nostri Jesu Christi Nevernice sedis episcopus Notum fieri volumus omnibus nostre ecclesie fidelibus presentibus et absentibus sive futuris qualiter veniens ante nostram presentiam quedam femina nomine Ermengardis petens humiliter ut quemdam vineam scilicet arpentum unum cum masnilo censu aliter consedissemus Est autem ex terra S Cyrici et in villa Patriniaca et terminatur ita in duabus partibus ex ipsa terra in aliis duabus partibus vie publice Cujus petitione suscepta concessimus jam dicte femine prefatam vineam cum masnilo et cartam scripti fecimus eo tenore ut illa et unus heres ejus post eam teneant et possideant Et annis singulis festivitate S Cyrici denarios IIII in camera fratrum in censu persolvant Et postea teneant et possideant sine ulla contradictione nostra vel successorum nostrorum de quo si neglegentes fuerint de censu duplicatum eum componant et propter hoc non perdant Ut autem hec scripti firmitas melius sit corroborata manu propria firmavimus et clericorum seu laicorum manibus firmari jussimus Actum est civitate Nevernis publice Roclenus episcopus S Ragembaldi decani S Huberti abbatis S Acmardi prepositi S Maginerii presbyteri S Tetbaldi presbiteri Telbertus presbyter scripsit S Rodulfi cancellarii et data in mense septembris anno II regnante Rotberto rege