Charter Document - 02270053
| Charter Number: | 02270053 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0979 |
| Date type: | Internal, Regnal |
| Resource Link(s): |
|
Charter:
Domino magnifico Ego Ardebaldus et conjux mea Eremburgis donamus egregio Cirico Nevernensis ecclesie pro amore Dei sive pro refrigerio anime domini Gerardi episcopi seu Radulfi archidiaconi de nostra hereditate res sitas in pago Nivernense nec non in villa que dicitur Haree et cuncta que ad ipsum alodum aspicere videntur totum et ad integrum tradimus ei atque transfundimus ea scilicet ratione sicuti locuti fuimus ego et domnus episcopus Natrannus per consensum caterve ipsius loci predicti ego Arlebaldus et uxor mea Aremburgis ad censum solidorum V ut prememoratum alodum diebus vite nostre tenere valeamus Si quis qui contra hanc donationem aliquid ingenio se insurgere conaverit nichil ejus mala voluntas proficiat sed feriatur ultione anathematis et hec actio firma et stabilis perseveret in evum Actum Sinemuro castro publice Ego in Dei nomine Arlebaldus et conjux mea Aremburgis qui firmavimus et militum nostrorum manibus firmari jussimus S Arduini S Dodelini S Vualterii Ego humilis levita Hugo scripsi et datavi mense novembri anno XXV regnante domno Lothario rege