Charter Document - 02270051
| Charter Number: | 02270051 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0900 |
| Date type: | Assigned |
| Resource Link(s): |
|
Charter:
Dei fidelibus de futura vita cogitantibus illud est propositum ut de ablatione anime sue seu parentum suorum solliciti ecclesias sanctorum de propriis suis honorent quo ipsos sanctos pro se intercessores habeant quapropter Ego Guichardus miles ob dignitatem celestis glorie possidendam memor meorum scelerum pro remedio anime mee seu patris mei ac matri omniumque parentum sacratissimo martiri Cirico ac canonicis in loco ipsius domino servientibus qui est situs infra muros civitatis Nevernis dono ac libenter concedo quemdam meum servum nomine Gozbertum cum filiis suis ad presens natis vel nascituris et cum omni progenie qui de illo exierit ad servitum eorum et ad faciendum quicquid melius voluerint tali ratione sicut dixi ut perpetualiter pro redimendis fascinaribus meis seu patris mei ac matris omniumque meorum parentum rogent Dominum et in hoc modo jamdictus servus cum omni progenie ipsius perhenni tempore teneant et possideant absque ulla contradictione mea vel parentum meorum Si vero quelibet persona falso opposita hunc prenominatum servum cum omni progenie ipsius predictis canonicis a me concessum calumniare voluerit nullo modo vindicet sed coactus C libras auri componat insuperque in die districti examinis maledictiones Ananie dampnationis Saphire Datam quoque et Abiron particeps efficiatur Et ut hec carta certior habeatur manu propria eam firmavi fidelesque meos vel parentes subtus firmare rogavi