Charter Document - 02270044
| Charter Number: | 02270044 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0928 |
| Date type: | Internal, Regnal |
| Resource Link(s): |
|
Charter:
Sacro sancto et exorabili loco in honore beati Cirici martiris que est mater ecclesie Nevernensis civitatis constructo nos in Dei nomine Trudgaudus Eirard archidiaconus Robertus archipresbiter donamus ibi donatumque in perpetuum esse volumus pro remedio anime Grinferii et per ejus scriptum nostre fidei commissum in ejus elemosina res sitas in pago Nevernensi in agro Patriniacensi in villa Casellis portionem ejus exquisitam quicquid ibi jure proprietario usus est Grinferius tenere vel possidere S Cirico donamus ea ratione ut Eirardus annis singulis die anniversarii ejus canonicis S Cirici qui ejus memoriam generaliter in divinis officiis expleverint unam refectionem preparare studeat et post suum quandoque discessum ipse res absque diminutione ad stipendia canonicorum sine mora revertantur absque ullius contrarietatis impedimento Si quis vero hanc donationem contradicere vel calumniare voluerit non vindicet quod repetit sed cui litem inferre voluerit auri libras II coactus exolvat et hec donatio omni tempore firma permaneat S Trutgaudi elemosinarii qui hanc donationem fieri vel affirmari rogavit S Aimonis qui consensit S Romaldi Eirardus ipse cancellarius scripsit data mense aprili anno V regnante Rodulfo rege