Charter Document - 02270035
| Charter Number: | 02270035 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0935 |
| Date type: | Internal, Calendar, Regnal |
| Resource Link(s): |
|
Charter:
In nomine sancte et individue trinitatis Rodulfus gratia Dei rex Regie celsitudinis magnificentia solemniter exigit ut fideles nostros claros debeamus honoribus sublimare Idcirco cognoscat totius regni nostri venerabilis fidelitas quia accedens ad mansuetudinem nostram Gozfredus comes satis reverenter expetiit ut Tedelgrino Nevernensis ecclesie presuli quasdam res potestatis nostre quas ei in beneficium dederamus regii precepti institutione confirmaremus Cujus petitionibus eo promptissime cessimus quo magis eos nostris servitiis habiliores et promptiores esse cognoscebamus Ideoque ad deprecationem jam dicti fidelis nostri jussimus prefato antistiti hoc regale preceptum fieri in quo confirmando decernimus et decernendo firmamus ut Amangias villam cum ecclesiis duabus ad se pertinentibus Biliacum videlicet et monasteriolum in pago Eduensi situm et quartam partem Briennonis ville in pago Nevernensi cum ecclesiis similiter duabus quarum altera vocatur sancta Genovefa altera Cavaroca quatenus destinatus pontifex et successores ejus diebus vite sue teneant atque possideant eo servato tenore ut ex Amangiis nonas et decimas sancto Symphoriano et decem solidos denariorum ad refectionem fratrum ejusdem loci per singulos annos exsolvant et ex Briennone sancto Andree ejusque rectori nichillominus reddant Ut autem hujus nostre munificentie largitio firmior habeatur et stabilis conservetur manu propria eam firmavimus et anuli nostri impressione jussimus sigillari Signum Rodulfi gloriosissimi regis Hugo cancellarius ad vicem Ansuli episcopi recognovit et subscripsit Actum Autissiodoro II idus decembris indictione VI anno XIII regnante gloriosissimo rege Rodulfo