Charter Document - 02270026

In nomine sancte et individue trinitatis Karolus divina propitiante clementia Rex Francorum Regalis celsitudinis mos est fideles suos donis multiplicibus honorare et honorando eos fideliores preparare in suo servitio Idcirco noscat universitas omnium sancte Dei ecclesie fidelium tam nostrorum presentium quam et futurorum quoniam accedens ad genua nostre serenitatis fidelis noster comes Siguinus expetiit humiliter quatinus cuidam nostro atque suo pariter fideli nomine Eptino atque ejusdem conjugi cui nomen est Grimeldis quasdam res ad habendum perpetualiter concedere dignemur Cujus petitionem libenti animo suscipientes concedimus prefato Eptino atque sue conjugi Grimeldi in comitatu Nevernensi villam que dicitur Coniacus super rivulum Lucada cum capella in honore [sancti] Augustini consecrata cum mancipiis utriusque sexus et reliquis ibi appendiciis ex integro Unde hoc nostre benignitatis preceptum fieri ac memorato Eptino seu sue conjugi Grimeldi dari precepimus per quod imperamus ut suprascriptas res tam inquisitas quam ad inquirendas cum prefata vero capella mancipiis utriusque sexus terris cultis et incultis vineis silvis pratis pascuis aquis aquarumve decursibus et cum omnibus rebus aliis que sunt appendices ad villam Coniacum ex comitatu Nevernensi habeant teneant et possideant et quicquid exinde facere voluerint firmissimam ac liberam obtineant faciendi potestatem in omnibus utpote de aliis rebus sue proprietatis Et ut hec nostre preceptionis auctoritas per futura annorum tempora verius credatur et attentius observetur anuli nostri impressione eam sigillari jussimus manu propria subtus firmando Signum Karoli regis gloriosissimi Gozlinus notarius ad vicem Herivei archiepiscopi summique cancellarii recognovit Datum III kalendas aprilis indictione VII anno XXVII regnante Karolo rege glorioso redintegrante XXII largiore vero hereditate indepta VIII Actum Suessioni in Dei nomine feliciter