Charter Document - 02270025
| Charter Number: | 02270025 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 0966 |
| Date type: | Internal, Regnal |
| Resource Link(s): |
|
Charter:
Quicquid de commutandis agris benevola statuit concordia vicinorum illud fieri oportet ita scripture testimoniis adligatum ut omni tempore ab omnibus maneat inviolatum Quocirca in Dei nomine notum sit omnibus presentibus atque futuris quoniam complacuit inter Rainaldum militem et Teterium sancti Cyrici decanum ecclesie sancti Stefani rectorem ut alter ex proprietate sui alodi alter de terra sancti Stephani commutationem invicem facerent Dedit igitur isdem Rainaldus partibus Teterii cum uxore sua Ansealdi ad opus sancti Stephani paginam terre ex sua proprietate que est in medio condamine sancti Stephani inter Machiacum et Salviniacum et habet terminationes has in duobus lateribus et fronte terra sancti Stephani in quarto loco terra ejusdem Rainaldi et via publica habetque in longitudine perticas XXXV in unaquaque fronte perticas XII infra has terminationes et perticationes Dedit Rainaldus cum predicta uxore sua Teterio hanc terram ad opus sancti Stephani eo tenore ut ecclesia ipsius sancti et rectores ejus perpetuo eam teneant et possideant Econtra repetit Rainaldus et uxor sua ab eodem Teterio de terra sancti Stephani que est in villa Matchiaco tantum et dimidium scilicet in uno loco paginam terre que habet terminationes has in uno latere proprietas ipsius Rainaldi in alio latere et fronte terra sancti Stephani in quarto loco via publica Et habet in longitudine perticas XXVII in unaquaque fronte sedecim Habetque ipsa pertica pedes X Et in eadem villa in alio loco in fronte sue domus paginulam terre que vulgo olca vocatur et terminatur ita in uno latere mansio et ortus ejusdem Rainaldi in alio latere et duabus frontibus vie et rivus currens Infra has terminationes et perticationes recepit Rainaldus et uxor sua a Teterio hanc terram consensu domni Natranni episcopi et canonicorum sancti Cyrici eo tenore ut hereditario jure eam teneant et possideant faciant quod voluerint Et si post modum ex qualibet parte aliquis calumpniator contra hanc commutationem insurrexerit iram Dei et sanctorum ejus dampnatus incurrat et ad ultimum cui litem intulerit auri coacti libras quadraginta componat Et sic commutatio ista firma et stabilis permaneat Actum est in Nevernensis civitate Signa Rainaldi et uxoris sue Anseardis qui hanc commutacionis cartam fieri et firmare jusserunt S Rodulphi filii eorum S Franconis S Dacberti S iterum Dacberti S Emonis S Bertradi S Guarnerii S Gozberti S iterum Gozberti S Volberti S Rotberti S Archimbaldi S Odonis S Aimonis Tecgerius levites scripsit et datavit in mense Julio anno XIII regnante Loterio rege