Charter Document - 02270022

In nomine Domini nostri Jesu Christi Abbo Nevernensis ecclesie episcopus una per consensum et voluntatem domni archiepiscopi mei Egilii ac ceterorum episcoporum sibi subditorum omnibus tam presentibus quam et futuris sancte Dei ecclesie coepiscopis notum esse volumus religionis canonice quemdam sacerdotem Adelardum nomine adiisse nostram immo omnium sancta synodi Trecas habite ceterorum coespicoporum paternitatem quorum nomina in sequentibus cum propriis adsignationibus inserta tenentur petiitque humiliter ut regiam donationem quam per venerabilem preceptorum suorum conscriptionem ecclesiis sanctorum que in nostra Nevernensi parochia habentur scilicet sancti Nazarii venerandi martyris et sancti Vincentii pretiosi confessoris ubi ejus sacratissimum corpus jacens miraculis clarescit sanctique Johannis precursoris Domini sanctique Martini necnon et sancti Hilarii ac sancti Germani conferre dignatus est ad restaurationem et relevationem earumdem ecclesiarum nostra confirmatione et auctoritate corroboraremus Repperit enim domnus et senior noster res quondam ibi delegatus ut ejus auctoritas testatur per diminutiones beneficiorum quorumdam exinde inordinabiliter abstractas unde sustentari debuerant et contineri et sollicita procuratione reintegrare ordinabili amministratione eas ut prius fuerant studuit videlicet in usu sacrificii salutaris et in illuminatione ac reedificatione jam dictarum sanctarum ecclesiarum quas multimoda eversione destitutas condoluit seu in victu et stipendiis canonicorum ibidem deservientium omnem donationem et reintegrationem statuit distribuendam quemadmodum precepti ejus veneranda conscripta pronuntiant Donat preterea Adelardus eidem vico Magniaco res quasdam proprietatis sue in honore sancti Vincentii ejus videlicet crypte ubi sanctum corpus ejus in ecclesia sancti Nazarii jacet que sunt in pago Nevernense in agro Magniacense in villa Lursiaco hoc est casuales cum vineis et hortilibus ubi colligi possint vini modii centum quinquaginta poscitque ut tam ea que ipse confert quam etiam ea que Catholici fideles devoti ob utilitatem suam ibi contulerint nostra auctoritate firmentur et corroboratione fulciantur Quod nos audientes piaque meditatione tractantes equum credimus ratumque ducimus talibus petitionibus assensum prebere cum ea obsecratione in qua precatur ut omnis ista donatio ab ordinatione et dominatione laicorum comitum scilicet vel principum secularium abstrahatur et sub dominatione Nevernensis episcopi agatur ita ut idem Adelardus ejusque successores deinceps annis singulis matri ecclesie sancti Cyrici libram cere exsolvant Non tamen aliud humane servitutis obsequium a jam dicto Adelardo ejusque successoribus propter hoc exigatur nisi quod dilectionis dulcedo per caritatis amministrationem exhibere jubet prelatis Unde in Christi nomine cunctos qui nobis Deo propitio per tempora labentia sunt successuri coespicopos contestantes precamur ut nullo pacto tantorum virorum decretum parvipendatis sed potius vestra sanctissima auctoritate quicquid in presenti privilegio de eodem vico regiisque redintegrationibus ac Adelardi petitionibus a sancta synodo definitum habetur inconvulsum atque inviolatum permanere consentiatis et paterna defensione spiritalique juvamine eis auxilium conferre in omnibus quibuscumque vestri indiguerint prout vobis Deum propitium habere vultis non differatis nec ullam seculi potestatem exinde nocere sinatis sed liceat eumdem locum canonica exercitatione degere ac predictas donationes et petitiones ubi delegate sunt permanere absque aliqua inquietatione principum et sine preter quod superius insertum est censu quatenus quieto ordine ac secura mente Deo ibi servire ejusque sanctis ac pro pace et utilitate sancte Dei ecclesie ejusdem loci canonici valeant exorare necnon etiam pro regis salute et prosperitate ac pro conjugis et sobolis incolumitate omnibus diebus ac noctibus intercedere atque clementiam superni regis per eorumdem sanctorum interventione pulsare Eigil archiepiscopus sancte Senonensis ecclesie subscripsi Wuanilo humilis Rotomorum episcopus subscripsi Eneas Parisiensis episcopus subscripsi Herardus Turonum archiepiscopus subscripsi Folchricus indignus episcopus subscripsi Actardus N S episcopus Heliseus in D S Gislebertus humilis Carnotensis episcopus Hildegarius Meldensis ecclesie humilis episcopus Abbo humilis Nevernensis ecclesie episcopus Aimo archidiaconus ad vicem Agilii Aurelianensis ecclesie episcopus Acta IIII nonas novembris anno Incarnationis Domini nostri Jesu Christi DCCCLXVII indictione I anno etiam XXVI regnante domino nostro Karolo rege in Dei nomine feliciter