Charter Document - 02270020
| Charter Number: | 02270020 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0955 |
| Date type: | Internal, Regnal |
| Resource Link(s): |
|
Charter:
Gosbertus Nevernensis ecclesie episcopus Notum fieri volumus cunctis ecclesie fidelibus presentibus scilicet et futuris quoniam petiit a nobis quidam fidelium nostrorum Siguinus nomine ut illi et uxori sue Hilarie et duobus filiis suis Siguino et Udoni aliquid ex terra Sancti Cyrici sub firmitatis scripto concederemus cujus petitionibus adquiescentes concessimus illi et uxori sue prefatisque filiis in pago Nevernensi et in villa Artado terram de potestate Sancti Cyrici quam Arbaldus clericus olim nostro dono tenuit cum omnibus que ad hanc recte pertinere videntur In pago etiam Autissiodorensi concessimus illis terram similiter Sancti Cyrici que est in villa Patriniaco cum capella in honore Sancti Baudesii consecrata et his que ad eam pertinere videntur sicut ipse Arbaldus eamdem terram tenere visus fuit eo tenore ut quamdiu isdem Siguinus et predicti heredes ejus nostrum senioratum et nostrorum successorum habuerint et eam deservierint sine censu prefatam terram teneant et possideant sed tantum nonas et decimas sicut consuetudo est annuatim reddant Si vero hanc terram deservire nullo modo potuerint ex eadem terra solidos decem festivitate Sancti Cyrici omnibus annis reddere studeant et quieto ordine teneant et possideant prefateque none et decime huic matri ecclesie omni tempore reddantur quod si ex predicto censu neglegentes fuerint duplicatum eum componant et ideo hanc terram a nobis sibi concessam non perdant Et ut melius credatur et diligentius conservetur manu propria illis hanc firmitatis chartam confirmavimus et canonicorum nostrorum manibus confirmari jussimus Gosbertus humilis episcopus subscripsi Addo archiclavus Dodo archidiaconus Unbertus presbyter Luinus decanus Romaldus Guido presbyter Gozselmus presbyter Hildefredus presbyter Bertradus presbyter Hildegerius presbyter Hildradus presbyter Teterius diaconus Erbertus diaconus Adalgaudus diaconus Girardus diaconus Randuinus subdiaconus Guillelmus subdiaconus Ricardus subdiaconus Garnerius clericus Abbo clericus Roclinus Gislebertus diaconus datavit in vicem Teterii Anno II regnante Lothario rege in mense aprili