Charter Document - 02270019
| Charter Number: | 02270019 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0966 |
| Date type: | Internal, Regnal |
| Resource Link(s): |
|
Charter:
Dei fidelibus de futura vita cogitantibus illud est propositum ut de ablutione anime sue seu parentum suorum solliciti ecclesias sanctorum de propriis rebus suis honorent quo ipsos sanctos pro se intercessores habeant Quapropter ego in Dei nomine Berta comitissa pro remedio anime mee seu senioris meis Siguini comitis filiorumque meorum ab hoc seculo decessorum dono ecclesie sancti Cyrici curtes duas quarum altera vocatur Vivarius altera Villa que olim ab eadem ecclesia subtracte fuerunt easque regali precepto predictus senior meus adquisivit Ad hanc autem que Vivarius vocatur pertinent ecclesie due Druiacus et Solgiacus pertinent etiam ville campi prata silve pascua aque aquarumque decursus et mancipia utriusque sexus Ad illam vero que Villa vocatur pertinet ecclesia una que in eadem villa est constructa simul etiam ville campi prata silve pascua aque aquarumque decursus et mancipia utriusque sexus ibi consistentia Hec etenim omnia supradicta et quicquid ad ea pertinere videntur sicut olim Siguinus meus senior tenuit seu quicquid Tetbaldus filius meus sancto Cyrico dedit sub integritate eidem sancto Cyrico condono preter duos mansos de Curtevilla qui sunt in Crisiaco villa et mancipia ista Evrardum cum uxore sua et infantibus suis Gibertum cum uxore sua et infantibus suis et uxorem Bone fide cum infantibus suis que tenet Ugo Alia omnia que remanent omnia sicut dixi ecclesie sancti Cyrici tribuo eo tenore ut diebus vite mee ista omnia teneam et possideam preter indominicatum de Curte Ville quod sancto Cyrico in vestitura relinquo Post meum vero obitum omnis hec terra preter illam quam Tetbaldus Gozfrido per cartam dedit sicut supradixi ad ecclesiam sancti Cyrici sub potestate episcoporum ibi Deo servientium sine aliqua interpellatione personarum perveniat Si vero aliqua persona heredum meorum contra hanc chartam insurrexerit nichil evindicet sed iram Dei omnipotentis et sanctorum ejus incurrat et coactus centum libras auri cocti cui litem intulerit persolvat et presens donatio firma permaneat Actum est in Nevernis Berta comitissa hanc cartam firmavit et firmare rogavit Signum Anserici vicecomitis S Hugonis filii ejus S Gozfridi S Ottrani S Leterii S Guchardi S Hildeberti S Rodulfi S Rotberti S item Hugonis S Gislerii S Ingelbaldi A Magnerius scripsit et datavit in mense maii anno XII regnante Lotherio rege