Charter Document - 02270011
| Charter Number: | 02270011 |
|---|---|
| Cartulary Title: | Cartulaire de Saint-Cyr de Nevers |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0980 |
| Date type: | Assigned |
| Resource Link(s): |
|
Charter:
Emmena dat pro anima domni Armanni conjugis sui Sancto Cyrico alodum suum in pago Nivernensi in villa Tronzongia situm Actum in Tronsongia villa In dei nomine notum sit omnibus presentibus et futuris quod Ego Emmena donatrix pro abluendis peccatis meis sive pro anima domni Armanni quondam mei conjugis dono sancto Cirico Nevernensis ecclesie ad victum et stipendium canonicorum et ad thesaurum illius ecclesie alodum meum in pago Nevernensi et in villa Tronzongia situm cum omnibus que ad illum jure pertinere videntur videlicet cum capella in honore Sancte Marie consecrata que sub censu ad thesaurum est deputata et campis vineis silvis pratis aquis aquarumque decursibus insuper sicut ipse Armannus meus senior vivens tenuit ecclesie S Cyrici et clericis ibi Deo servientibus libenter condono eo tenore ut canonici illius loci omni tempore ipsum tenentes et possidentes pro anima mea sive pro anima domini Armanni mei senioris assidue Deum deprecentur et rogent et nos in suis orationibus participes faciant Si quis hanc donationis cartam bona voluntate et amore Dei et Sancti Cyrici a me factam contradicere voluerit non vindicet sed ipsis canonicis quibus litem intulerit coactus auri cocti libras XX componat et post hec donationis carta firma permaneat Actum est in Trunzungia villa publice