Charter Document - 02260120
| Charter Number: | 02260120 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 |
| Date type: | Internal, A.D. |
| Resource Link(s): |
|
Charter:
Nos Herbertus decanus christianitatis Barri super Sequanam et curatus ejusdem loci et nos Nicolaus minister de Gloria Dei notum facimus quod in nostra presentia constituti Johannes de Gieyo armiger et Isabel uxor ejus recognoverunt se dedisse domui de Moris in perpetuam eleemosynam ob remedium anime sue quidquid habebant vel habere debebant in decima Grosseforest quod reddebatur eis a dictis fratribus annis singulis in grangia de Fraxino Promiserunt etiam coram nobis dicti Johannes et uxor ejus fide super hoc prestita corporali quod nec per se nec per alium contra predictam donationem venient in futurum sed erga eos qui se exposuerint portabunt in perpetuum legitimam garantiam Hanc autem donationem laudavit dominus Guillelmus de Gieio frater dicti Johannis miles de cujus feodo res erat ut dicebat Actum anno Domini MCCLVI mense junio