Charter Document - 02260116

Je Jehanne de Chocille qui fus femme monseignor Odon de Clermont chevalier fais a scavoir a toz ces qui verront ces lettres que l'aumosne que li diz Odes de Clermont fist a l'esglise de Mores d'un sextier de frument et l'aumosne que la mere ce dit Odon fist à celle dicte esglise d'un sextier de frument et d'un sextier d'aveine je ay loe et loe et la promez a payer par moy et par mes oirs en tos endroits que les lettres devisent qui de ces aumosnes furent faittes et scellees dou scel messire Hebert lou doien et curez de Barsor Seigne et de scel Jacques d'Aresles qui fut prevoz de ce mesmes chastel que ores est maiers dou dict Bar Et por ce que je neu sael j'ay fait mettre a ces presentes lou scael dou dit Jacques et lou scael monseignor Odon lou curez d'Asmance A l'an Nostre Seignor MCCLIII ou mois de decembre