Charter Document - 02260115
| Charter Number: | 02260115 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1250 |
| Date type: | Internal, A.D. |
| Resource Link(s): |
|
Charter:
Nos magister Herbertus curatus Barri super Sequanam et decanus notum facimus quod nobilis domina Emelina relicta domini Roberti quondam militis de Villa super Arciam et ejusdem filii Petrus et Milo milites et Guyotus armiger in nostra presentia constituti recognoverunt quod cum ipsi querelam haberent adversus monasterium de Moris ex eo quod duo juvenes Odo et Theobaldus dicte Emeline homines de capite absque licentia ipsius in dicto monasterio religionis habitum assumpsissent tandem divina gratia inspirante sepe dicta domina et ejus filii supradicti querelam illam et quidquid juris in dictis juvenibus habere poterant dicto monasterio quictaverunt et dictos juvenes in puram elemosinam dicto monasterio reddiderunt et concesserunt Actum anno MCCL mense maio