Charter Document - 02260112
| Charter Number: | 02260112 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1249 |
| Date type: | Internal, A.D. |
| Resource Link(s): |
|
Charter:
Ego magister Herbertus decanus et curatus Barri super Sequanam notum facio quod in mea presentia constitutus Soltanus domicellus filius domini Thome de Gieyo militis quictavit et remisit domui de Moris querelas quas habebat adversus eam occasione terragii et nemoris de Grosseforest et occasione vinee que fuit quondam patris sui site in Vallis quam quidem vineam contulerat in eleemosynam domui de Moris predictus Thomas pater suus Quictavit etiam sponte omnes alias querelas si quas habuerat vel habere poterat adversus predictam domum quoquo modo promittens fide sua corporaliter prestita quod nunquam per se vel per alium veniet contra prefatum instrumentum Actum et datum anno Domini MCCXLIX mense maio