Charter Document - 02260096
| Charter Number: | 02260096 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1233 |
| Date type: | Internal, A.D. |
| Resource Link(s): |
|
Charter:
Hugo decanus Vendopere et magister Johannes Caponis de Busseio notum facimus quod dominus Thomas de Busseio miles in nostra et multorum presentia ob remedium anime sue et antecessorum suorum dedit deo et domui de Moris in puram et perpetuam eleemosynam vineam quandam in Valeriis sitam que fuit ut dicitur vinea Channet laude et assensu Emmeniardis uxoris et Sibille sororis ejusdem Thome Ut antepredicta donatio debitum sortiretur effectum dictus miles fratres memorate Ecclesie in nostra presentia de dicta vinea corporaliter investivit Actum anno Domini MCCXXXIII mense majo