Charter Document - 02260090
| Charter Number: | 02260090 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1228 |
| Date type: | Internal, A.D. |
| Resource Link(s): |
|
Charter:
Ego Erardus dominus de Chacennaio notum facio quod laude et assensu Emeline uxoris mee pro salute anime mee et anime ipsius et antecessorum nostrorum dedi in elemosinam Deo et domui de Moris usuagium perpetuum ad opus sue grangie que vocatur Molendinum Garnerii quantum duo equi in una quadriga poterunt ducere ad comburendum et ad ipsam quadrigam faciendam in nemoribus meis in illis que erunt assignata meis hominibus de Victreio et de Aculeio ad utendum Dedi etiam eidem ecclesie unum modium avene singulis annis recipiendum in perpetuum in costumis nemoris de Monsterolo juxta monasterium Arremarense pro quo ipsa ecclesia de Moris tenetur solvere singulis annis in perpetuum domine Arembors relicte Josseleni militis de Cherrevi et heredibus ejus post ipsam tria sextaria frumenti et tria sextaria avene ad mensuram Chacenaii Concedo autem fratribus de Moris ut possint acquirere de illa domina vel de heredibus ejus bladum illum quod est de feodo meo Hec omnia laudaverunt filii mei Erardus et Hugo Actum anno Domini MCCXXVIII