Charter Document - 02260081
| Charter Number: | 02260081 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1223 |
| Date type: | Internal, A.D. |
| Resource Link(s): |
|
Charter:
Universis A officialis curie Lingonensis salutem in Domino Notum facimus quod in mea presentia propter hoc personaliter constitutus Guillelmus dictus Escorches de Villa super Arcia armiger recognovit se dedisse perpetuo in elemosinam domui de Moris septem solidos Turonenses cum dimidio quos singulis annis in festo Sancti Remigii consuevit percipere ut dicitur in censiva sive abonnamento domini de Chacennaio de manu majoris ipsius qui apud Cherreveium commoratur volens et concedens dictus Guillelmus ut dicta domus de Moris dictos septem solidos cum dimidio apud Cherreveium percipiat singulis annis in perpetuum et quiete promittens per fidem suam in manu nostra corporaliter prestitam quod contra predictam donationem per se nec per alium veniet in futurum sed portabit legitimam garentiam contra omnes se et heredes ipsius quantum ad premissa obligando penitus et expresse Actum anno Domini MCCXXIII mense martii