Charter Document - 02260079
| Charter Number: | 02260079 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego Milo comes Barri super Sequanam ego Elissendis comitissa et ego Galcherius filius eorum notum facimus tam presentibus quam futuris quod nos dedimus in perpetuam elemosinam ecclesie Beate Marie de Moris pro abbatibus venientibus ad capitulum generale piscaturam duobus diebus in anno in aquis nostris et molendino de Bezaciis usque ad Barrum ubicumque voluerint itaque infra quindenam Nativitatis Beate Marie vel infra quindenam post festum Sancte Crucis piscabuntur in iisdem aquis Preterea laudamus et confirmamus dicte ecclesie elemosinam quam Iterus de Brocia miles fecit videlicet totam decimam charruagii sui de Riceio Et ut hec rata permaneant presentem chartam sigillorum nostrorum munimine voluimus roborari Actum anno gratie MCCXVIII mense martii