Charter Document - 02260077
| Charter Number: | 02260077 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego Milo comes Barri super Sequanam et ego Elissendis comitissa et ego Galcherius filius eorum notum facimus quod nos dedimus in perpetuum domui de Moris quatuor sextaria frumenti in minagio nostro Barri super Sequanam ita quod quicumque receperit dictum minagium reddet fratribus de Moris bladum illud usque ad festum Omnium Sanctorum vel usque ad festum Sancti Martini annuatim Quod si usque ad festum Sancti Martini bladum illud in integrum redditum non fuerit dictis fratribus ille qui tenebit minagium pro pena nobis vel heredibus nostris decem solidos reddere tenebitur Et ex tunc dicti fratres castrum Barri cum burgo et villa per decanum vel episcopum supponere poterunt interdicto Et sciendum quod in recompensationem hujus donationis dicti fratres concesserunt nobis et heredibus nostris in perpetuum quidquid juris quod habebant in foresta Broart retento tantummodo sibi usuario omnis generis pasturarum et foagio de mortuo nemore pro pastoribus glandem etiam poterunt comedere porci de Moris in eadem foresta sed de foresta non poterunt glandem extrahere dicti fratres Hec omnia laudavit Ysabel uxor Galcheri Actum anno Domini MCCXVIII mense februario