Charter Document - 02260053
| Charter Number: | 02260053 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1205 |
| Date type: | Internal, A.D. |
| Resource Link(s): |
|
Charter:
Ego Erardus dominus Chacennei filius domini Erardi notum facio me dedisse in perpetuam eleemosynam et benigne concessisse domui de Moris ob remedium anime mee et antecessorum meorum ut grangiam edificent inter Buxerium et Cherrevium inter duos caminos concedo etiam eidem domui et confirmo omnes donationes et eleemosinas quas antecessores mei de Chacenneo fecerunt predicte domui Ansericus et Jacobus filius ejus et Erardus pater meus videlicet plenarium usuarium in omni terra mea tam in bosco quam in plano in aquis et in silvis et in pascuis ad opus omnium animalium et pecorum libere possidendum quidquid fratres acquisierunt vel acquirere poterunt de casamentis meis ab iis qui ea tenent ut libere acquirant et perpetuo quiete possideant laudo confirmo et approbo Concessi etiam et benigne laudavi jam dicte domui quicquam habuerunt antecessores mei in finagio de Moris et in Terrafranca de Cherreveio Hec omnia laudavit Emeliana uxor mea Actum anno Domini MCCV