Charter Document - 02260032
| Charter Number: | 02260032 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1186 |
| Date type: | Assigned |
| Resource Link(s): |
|
Charter:
Manasses Dei gratia Trecensis episcopus Noverit universitas vestra controversiam fuisse inter ecclesiam Cellensem et ecclesiam de Moris super nemore de Juviniaco et quodam furno Trecensi qui dicitur de Moris que discretis viris mediantibus abbate scilicet de Longovado abbate Beati Lupi Trecensis domino Milone de Sancto Fidolo milite Roberto de Insulis preposito in hunc modum sopita quievit concessum est ecclesie de Moris quod in pretaxato nemore omnimodum preter extirpationem haberet usuarium predicto furno absque omni calumpnia ecclesie Cellensi in perpetuum remanente Unde et ab eadem Cellensi ecclesia recepit ecclesia de Moris VII libras Nos vero eidem ecclesie de Moris LX solid pro bono pacis persolvimus