Charter Document - 02260011
| Charter Number: | 02260011 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1165 |
| Date type: | Assigned |
| Resource Link(s): |
|
Charter:
Ego Manasses dictus comes de Barro tam presentibus quam futuris paci prospiciens volo omnibus presentis scripti attestatione sciri quod frater meus Theobaldus remisit et condonavit domui de Moris querelam quam habebat adversus eamdem domum preterea Terramfrancam que adjacet grangie de Moris in Montemedio site laudavimus ego Manasses et idem frater meus Concessimus eamdem Terramfrancam predicte domui jure perpetuo possidendam in eleemosynam pro anima patris mei comitis Milonis Hanc etiam elemosynam ego et sepe dictus frater meus fecimus per manum venerabilis patris domini Gaudefridi Lingonensis quondam episcopi Hujus rei testes sunt idem Godefridus et Milo de Avaloura et Maugerius serviens meus et alii plures qui hoc audierunt et viderunt