Charter Document - 02260008
| Charter Number: | 02260008 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1164 |
| Date type: | Internal, A.D. |
| Resource Link(s): |
|
Charter:
Ego Milo Dei gratia Molismensis abbas cum totius capituli nostri assensu paci presentium et futurorum providentes litteris presentibus omnibus notificamus et testificamur quod concessimus ecclesie de Moris quidquid habebamus in parrochia in decimis et omnibus ad jus ecclesie pertinentibus et quidquid etiam de nobis tenebant homines nostri in parrochiis de Villenesse et de Moris et quidquid nos tenebamus in censu vel quolibet reditu vel in plano et bosco in pascuis in pratis in aquis et in omnibus omnino emolumentis in ipso territorio de Villenesse et de Moris et usque infra parrochialem terminum de Villenesse sub annuo censu centum solidorum quem persolvent nobis annuatim statutis duobus terminis videlicet in die festo Sti Joannis quinquaginta solidos aut in crastino et crastino beati Remigii vel in festo alios quinquaginta solidos et hoc in capitulo nostro Si vero aut neglectu aut ignorantia contigit prefatam ecclesiam non solvere censum prefatum terminis definitis reddent pro lege census quinque solidorum si nos voluerimus accipere Ad hoc vero laudandum et confirmandum dedit nobis prefata ecclesia ducentas libras Nos autem et nostre utilitatis sueque solliciti litteris assignari et capituli nostri sigillo nostro muniri decernimus ut nulla inter nos et ipsos super hec facta controversia oriatur Actum est et datum est anno Domini MCLXIIII