Charter Document - 02260007
| Charter Number: | 02260007 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1165 |
| Date type: | Internal, A.D. |
| Resource Link(s): |
|
Charter:
Ego Galterus Dei gratia Lingonensis episcopus notum esse volo presentibus et futuris quod Raxo et Hugo frater ejus de Villenesse dederunt Deo et domui de Moris quidquid habebant in parrochiatu de Villenesse et in finagio de Moris in quibus emolumentis sine alla retentione et in bosco et in plano in terris cultis et incultis et in pratis et in aquis et in censibus sub juramento promittentes fideliter de his si qua forte oriretur calumnia suam pro posse se portare garentiam Facta est autem hec donatio per manum domini Godefridi venerabilis quondam nostri predecessoris Testes sunt idem dominus Godefridus et Manasses tunc comes Barri et Hugo proesbyter de Villenesse Laudaverunt hoc donum Agano de Calma et Hugo decanus et Droco et Aymo filii ejus et Lebaldus frater Aganonis et Frayncetus et Lebaldus frater ejus de Danceneto concedentes et in elemosinam remittentes omnem querimoniam quam super his donationibus adversus prefatam domum de Moris movebant Testes sunt Radulphus abbas Longivadi et Willielmus abbas de Alba Ripa Rainaldus cellerarius Clarevallensis Hoc et totum laudaverunt Abelina uxor predicti Aganonis et Sibilla uxor Droconis et Hugo filius ejus de Sibilla et Adelinda neptis ejus et Passa uxor Aymonis et Freherius filius ejus et Aymo Caygne et Rispa uxor ejus et Gilla et Agano filius ejus Testes fuerunt qui supra et Rainerius de Maresco et Willencus de Castello et Hildierus de Calidofurno milites Actum anno Domini MCLXV