Charter Document - 02260004
| Charter Number: | 02260004 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1154 |
| Date type: | Internal, A.D. |
| Resource Link(s): |
|
Charter:
Ego Henricus Trecensium comes palatinus servis Dei in Claravalle et in abbatiis pertinentibus ad illam degentibus pro anima mea et patris mei clementer indulgeo ut in tota terra mea fratres eorum nullum omnino theloneum nullum pedagium nullam consuetudinem exsolvant ad nundinas meas libere sine aliqua exactione emant et vendant que usibus suis necessaria erunt nec a ministris aut officialibus meis molestiam aut gravamen seu injuriam aliquam patiantur sed homines mei in omnibus locis eis teneant pacem Ut igitur integra eis et illibata permaneant que ob salutem anime mee illis concedo nec istud beneficium meum aliqua possit oblivione deleri presentem cartam ad munimen eorumdem fratrum conscribi et sigilli mei impressione insigniri et auctoritate precepi Decerno etiam et indissolubili concessione confirmo ut hec pia donatio mea nullo in posterum tempore a successoribus et heredibus meis nec a quoquam hominum occasione qualibet infringatur Hujus rei testes sunt Hilduinus de Vendopera Walterus de Bernun Drogo de Pruvino Actum anno ab Incarnatione Domini MCLIIII regnante Ludovico juniore Francorum rege christianissimo Godefredo Lingonensi episcopo Tradita Barri per manum Willelmi notarii