Charter Document - 02260001
| Charter Number: | 02260001 |
|---|---|
| Cartulary Title: | Chartes de l'Abbaye de Mores |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1151 |
| Date type: | Assigned |
| Resource Link(s): |
|
Charter:
Samson Dei gratia Remorum archiepiscopus carissimo ac precordiali amico suo Bernardo Clarevallensis monasterii venerabili abbati salutem et in sancte religionis proposito beatam perseverantiam Sanctitatis vestre petitionibus debita sollicitudine annuentes apud abbatem et canonicos B Dyonisii multum diuque laboravimus ut ecclesiam que est apud Moras nobis donarent cum omnibus appendiciis suis ad faciendam ibi abbatiam ordinis Clarevallensis quod quidem vix impetrare potuimus ceterum Domino propitiante tandem ipsam ecclesiam cum omnibus appendiciis suis nobis donaverunt ea conditione videlicet ut ibidem abbatia Clarevallensis ordinis fieret Nos itaque ecclesiam illam cum omnibus appendiciis suis vobis et sancte congregationi Clarevallensi concedimus et donamus ita videlicet ut ibidem abbatiam Clarevallensis ordinis absque longioris more obstaculo faciatis Valeat Sanctitas vestra in Domino et pro Nobis et pro ecclesiis Nobis commissis jugiter Dominum exoret