Charter Document - 02230126
| Charter Number: | 02230126 |
|---|---|
| Cartulary Title: | Cartulaire du prieuré de Jully-les-Nonnains |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1240 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Petrus de Frollois archidiaconus Tornodorensis salutem in domino Notum facimus quod priorissa et conventus Juliaci in nostra presentia constitute voluerunt et concesserunt quod de bonis Juliaci et ad Julliacum pertinentibus nullus omnino fiat contractus nisi per priorem et camerarium ejusdem loci qui sunt ibidem loco abbatis Molismensis In cujus rei testimonium ad instantiam et voluntatem ipsarum presentibus litteris sigillum nostrum apposuimus predicte vero priorissa et conventus ad majorem recognitionem sigillum capituli sui fecerunt apponi Actum in capitulo coram nobis apud Juliacum anno gratie MCCXL die jovis post purificationem beate Marie